Nóvember: Ljóð mánaðarins


    Hvernig myrkrið fellur um sjálft sig

    rigningin aðskilur okkur og 

    sólin birtir manískar efasemdir

     

    inná milli 

    í stillunni 

    hjálpum við hvort öðru að standa á fætur

     

    steinarnir

    sem við hrösum um

    valtir fætur áminning

    eilífar tafir og viðkvæmni

     

    það er engin leið framhjá

    hún liggur í gegn

    bein

    stundum umfram

     

    og þá

     

    feykist í höfðinu

    kýr og sólblóm

    þagnir og gull


    Höfundur: Björk Þorgrímsdóttir

     


    Ert þú að semja ljóð sem þú vilt fá í birtingu hjá Góðum fréttum?
    Sendu okkur tölvupóst á godarfrettir@godarfrettir.net